... ഞാന്‍ ഇന്നലെ ഇവിടെ വന്നപ്പോള്‍ വടക്കുനിന്ന് എന്‍റെ പേര്‍ക്ക് ഒരു കമ്പി പുലയന്‍കാട്ടില്‍ അച്ചന്‍റേതായി വന്നിട്ടുണ്ടായിരുന്നു. അതിലെക്കാര്യം ഞാന്‍ വെള്ളിയാഴ്ച തന്നെ വടകര എത്തണമെന്നു ബാവാ നിര്‍ബന്ധമായി കല്പിച്ചിരിക്കുന്നു എന്നാണ്. അതിന്‍റെ ഉദ്ദേശം എന്നെ സാക്ഷി നിര്‍ത്തണമെന്നുള്ളതാണെന്നു തീര്‍ച്ചയാണ്. അതിനാല്‍ എന്നെ അകപ്പെടുത്തണമെന്നുള്ള മനപ്പൂര്‍വ്വം ഉണ്ടെന്നു വ്യക്തമായിരിക്കുന്നു. ഏതായാലും പോകാതിരിപ്പാന്‍ പാടില്ല.
ഞാന്‍ ഒഴിയാന്‍ കഴിയുന്നതു നോക്കും. ഏതായാലും നിവൃത്തിയില്ലാതെ വന്നാല്‍ എന്തു വേണ്ടു എന്നറിയുന്നില്ല. എന്നെ അകപ്പെടുത്തുന്നപക്ഷം അസോസിയേഷന്‍ സെക്രട്ടറി എന്ന നിലയില്‍ അകപ്പെടുത്താതിരിപ്പാന്‍ മുന്‍കരുതലായി ഒരു രാജി ഹര്‍ജി തിരുമനസിലെ കയ്യില്‍ സൂക്ഷിപ്പാന്‍ ഇതു സഹിതം അയക്കുന്നു. ആവശ്യപ്പെട്ടാല്‍ ഇതു പ്രയോഗിക്കാം. ഇതിന്‍റെ പകര്‍പ്പു ഞാന്‍ കൊണ്ടുപോകുന്നുണ്ട്. എന്നെ ഉള്‍പ്പെടുത്തിയാല്‍ വിചാരിക്കുന്ന ഫലമില്ലെന്നു കാണിപ്പാന്‍ പകര്‍പ്പ് ഉപയോഗപ്പെടുത്താമെന്നു വിചാരിക്കുന്നു.
ഒരു കാര്യം തിരുമനസുകൊണ്ട് ഉറപ്പായി വിശ്വസിച്ചുകൊള്ളണം. അതായതു തിരുമനസിലേക്കെതിരായി വല്ലതും പ്രവര്‍ത്തിക്കണമെന്നോ പൊതു സമുദായത്തില്‍നിന്നും വേര്‍തിരിയണമെന്നോ ഉദ്ദേശമില്ല. ഞങ്ങളെ പ്രത്യേക ഇടവകയായിട്ടു ബാവാ തിരിക്കുകയാണെങ്കില്‍ നിരണം, തുമ്പമണ്‍ എന്നിങ്ങനെ പോലെ ഇതും മലങ്കര മഹാ ഇടവകയുടെ ഉപ ഇടവകയായിട്ടും അസോസ്യേഷനില്‍ ബന്ധിച്ചും ഇരിക്കണമെന്നുമല്ലാതെ മറ്റ് ഉദ്ദേശമൊന്നുമില്ലെന്ന് തീര്‍ച്ചയായി വിശ്വസിച്ചുകൊള്ളണം....
(ഇടവഴിക്കല്‍ ഗീവര്‍ഗീസ് മാര്‍ സേവേറിയോസിനെ വാഴിക്കുന്നതിന് തൊട്ടു മുമ്പ് ചിങ്ങം 9-ന് വട്ടശ്ശേരില്‍ ഗീവര്‍ഗീസ് മാര്‍ ദീവന്നാസിയോസിന് അയച്ച കത്ത്)
No comments:
Post a Comment