കോട്ടയം പുത്തന്‍ പള്ളിക്കു കല്ലിടുന്നു

12. രണ്ടാം പുസ്തകം 200 മത് ലക്കത്തില്‍ പറയുന്ന കുന്നുംപുറത്ത് യാക്കോബ് കത്തനാരും ദേശകുറി കൂടാതെ പാലക്കുന്നനോടു പട്ടം ഏറ്റ പുത്തനങ്ങാടിയില്‍ എരുത്തിക്കല്‍ കുഞ്ഞെമ്മന്‍റെ മകന്‍ ചെറിയാന്‍ കത്തനാരും കൂടി കോട്ടയത്തു കുന്നുംപുറത്തു ഇട്ടൂപ്പിന്‍റെ പേരില്‍ പണ്ടാരവക പാട്ടം പതിഞ്ഞിട്ടുള്ള പെത്തമന്‍ പറമ്പില്‍ ഒരു പള്ളി വെയ്ക്കണമെന്നു ഉത്തരവു വരികയും ആ വിവരം മാര്‍ കൂറിലോസ് ബാവായെ ബോധിപ്പിച്ചാറെ കല്ലിട്ടു കൊടുക്കുന്നതിനു മകര മാസം 15-നു എന്‍റെ പേര്‍ക്ക് ആ ദേഹം എഴുതി സാധനം വരികയും ചെയ്കയാല്‍ 1868 മത് കുംഭം 3-നു മാര്‍ ബര്‍സൗമ്മാ എന്ന പുണ്യവാളന്‍റെ നാമത്തില്‍ ഞാന്‍ ആ പള്ളിക്കു കല്ലിട്ടു കൊടുക്കയും ചെയ്തു.